स्वनिगलय् कोरोना सङ्क्रमितया ल्याः १२ द्वः पुल

स्वनिगलय् कोरोना सङ्क्रमितया ल्याः १२ द्वः पुल


भदाै ३० - स्वनिगलय् कोरोना भाइरस सङ्क्रमितया ल्याः १२ द्वः थ्यगु दु।

स्वास्थ्य तथा जनसङ्ख्या मन्त्रालयया सह-प्रवक्ता डाक्टर समिरकुमार अधिकारीं स्वनिगलय् १२,२४८ म्हसिके सङ्क्रमण खनेदुगु धयादिल। इपिंमध्ये १० द्वः  सङ्क्रमित येँय्या जक खः। येँय् ३,३०२ मिसा व ६,७२४ मिजंयाके संक्रमण खनेदुगु खः

अथेहे, यलय् १,१९१ म्ह व ख्वपय् १,०३१ म्हसिके कोरोना पुष्टि जुगु दु । लिपांगु इलय् लकडाउन छ्वासुकुसेलिइ स्वनिगलय् सङ्क्रमितया ल्याः अप्वयावगु खः।

थुथाय् न्हिया न्हिथं ४०० या ल्याखँय् स्वनिगलय् सङ्क्रमित थप जुयाच्वंगु दु। म्हिगजक स्वनिगलय् ५१२ म्ह सङ्क्रमित लुगु खः।