येँया बौद्धं वंम्हसिके मुस्ताङय् कोरोना लुत

येँया बौद्धं वंम्हसिके मुस्ताङय् कोरोना लुत


असार ६ -नेपालय् कोरोना संक्रमण खनेदुगु ताईतक न कोरोना संक्रमित मलुगु हिमाली जिल्ला मुस्ताङय् नं कोरोना संक्रमित शनिबाः लुगु दु।

शनिबार मुस्ताङया घरपझोङ गाउँपालिकाया ८३ दँया मिजंयाके कोरोना पुष्टि जुगु खः। संक्रमित वयक वंगु जेठ ३१ गते येँया बौद्धं मुस्ताङ वंगु सीइदुगु दु । पालिकाया वडा नम्बर १ छैरोस्थित तिब्बतियन क्याम्पय् च्वनिम्ह वयकया घाँसाय् आरडिटी परिक्षण याःगु खः। आरडिटी परिक्षण याबलय् रीपोर्ट पोजेटिभ वसेलिइ वयकयात असार १ गते मुस्ताङ जिल्ला अस्पताल जोमसोमय् यंकुगु स्वास्थ्य ज्याकु मुस्ताङया कार्यालय प्रमुख टिकाराम भण्डारीं जानकारी बियादिल।

भण्डारीया कथं जिल्ला अस्पतालया आइसोलेसन वार्डय् वासः याकाच्वम्ह वयकयागु स्वाब असार २ गते पिसिआर टेस्टया संकलन याना प्रदेश जनस्वास्थ्य प्रयोगशाला पोखराय् छ्वगु खः। गुकिया रीर्पोट शनिबाः जक वगु खः। स्वास्थय कार्यालय प्रमुख भण्डारीया कथं वयकया सम्पर्कय् वपिंनिगु मालेज्या शुरु जुइधुक्कुगु दु।

मुस्ताङय् न कोरोना संक्रमित लुसेलिइ गण्डकी प्रदेशया फुक्कं जिल्लाय् कोरोना संक्रमित लुगु दुसाः लिपांगु अपडेटकथं गण्डकी प्रदेशय् कोरोना संक्रमितया ल्याः ४८८ थ्यगु दु।