स्वनिगलय् ८७२ नापं देयन्यक २,६१८ संक्रमित थप

स्वनिगलय् ८७२ नापं देयन्यक २,६१८ संक्रमित थप


बैशाख ११ - शनिबाः स्वनिगलय् जक ८७२ म्ह संक्रमित थप जूगु दु।  थुकिइ मध्ये ६४४ म्ह येँय् , १४१ म्ह यलय् व ८७ म्ह ख्वपय् थप जूगु खः। थ्वनापं लिपांगु २४ घौदुने देयन्यकं २,६१८ म्हसिके कोरोना भाइरस (कोभिड–१९) संक्रमण पुष्टि जूगु दु।

स्वास्थ्य तथा जनसंख्या मन्त्रालयया कथं २,४८६ म्हयाके पिसिआर विधिपाखें व १३३  म्हयाके एन्टिजेन विधिपाखें  परिक्षण याबलय् कोरोना संक्रमण पुष्टी जूगु खः।

थुथाय् १६,८२८ म्ह सक्रिय संक्रमित अवस्थाय् दु। शनिबाः देयन्यकं ३६८ म्ह कोरोना संक्रमणमुक्त जूगु मन्त्रालयं धागु दुसाः कोरोना संक्रमणं १४ म्ह सिगु दु। थ्वनापं आःतक कोरोनां सिइपिनिगु ल्याः ३,१३६ थ्यगु दु।