थप २०१ म्हसिके कोरोना पुष्टि, ल्याः २,३०० थ्यन

थप २०१ म्हसिके कोरोना पुष्टि, ल्याः २,३०० थ्यन


जेठ २१ -  नेपालय् थाैं थप २०१ म्हसिके कोरोना संक्रमण पुष्टि जुगु दु । थ्व नापं कोरोना संक्रमितया ल्याः २,३०० थ्यगु स्वास्थ्य तथा जनसंख्या मन्त्रालयं धागु दु ।

मन्त्रालयया प्रवक्ता डा.विकास देवकोटां  २०१ न्हूपिं संक्रमित थप जुगु धयादिल । वयकया कथं थाै सप्तरी, ताप्लेजुङ,सुनसरी, पर्सा, सुर्खेत,दैलेख, सल्यान, मोरङ्ग,सुनसरी,कैलाली, डोटी, कपिलवस्तु, बारा, दाङ, प्यूठान, झापा, धनुषा, सिरहा, येँय् टोखा लगायतया थीथी ठासय् च्वपिं थप १७९ म्ह मिजं व २२ म्ह मिसा याना मुक्क २०१ म्हसिके संक्रमण पुष्टि जुगु दु। अथेहे काठमाण्डाैं मेडिकल कलेजया छम्हसिके न संक्रमण खनेदुगु वयकलं धयादिल। आःतक देयया  ६४ जिल्लाय् संक्रमण पुष्टि जुगु वयकलं धयादिल ।

वयकया कथं थाैं थीथी अस्पतालं १२ म्ह डिस्चार्ज जुगु दु। थ्व नापं आःतक देयन्यकं २२२  म्ह मिजं व ५६  म्ह मिसा याना मुक्कं २७८ म्ह डिस्चार्ज जुगु दु। 

वयकलं दोलखाया ७६ दँया संक्रमित थाै सीगु धासें  सीइपिनिगु ल्याः ९ थ्यगु  धयादिल।