थाैं येँय् ३ संक्रमित थप, ल्याः ११,७५५ थ्यन

थाैं थप ५९३ म्हसिके संक्रमण पुष्टि

थाैं येँय् ३ संक्रमित थप, ल्याः ११,७५५ थ्यन


असार १२ - येँय् थाैं थप ३ म्हसिके कोरोना भाइरसया संक्रमण पुष्टि जुगु दु। 

स्वास्थ्य तथा जनसंख्या मन्त्रालयया प्रवक्ता डा. जागेश्वर गौतमं येँय् थप ३ म्ह मिजंयाके कोरोना भाइरस संक्रमण पुष्टि यानादिगु खः।

अथेहे नेपालय् थाैं थप ५९३ म्हसिके कोरोना संक्रमण पुष्टि जुगु दु। थ्व नापं कोरोना संक्रमितया ल्याः ११,७५५ थ्यगु मन्त्रालयं धागु दु ।

मन्त्रालयया नियमित प्रेस ब्रिफिङय् मन्त्रालया प्रवक्ता डा गाैतमया कथं लिपांगु २४ घाै दुने धनुषाा, झापा,अछाम,बाजुरा, बारा, दार्चुला, डोटी,कंचनपुर, सल्यान, गोरखा, नवलपरासी, गुल्मी, राैतहट, सिन्धुली, कास्की, तनहुँ लगायत देयया थीथी थाययापिं ५९३ म्हसिके कोरोना पुष्टि जुगु दु। 

अथेहे लिपांगु २४ घाै दुने ल्वय् लायेकाः छेँय् वपिं ८ मिसा व ४० म्ह मिजं याना ४८ म्ह जुगु प्रवक्ता गौतमं धयादिल। थ्वनापं नेपालय् लायेकाः वपिं २,६९८ म्ह थ्यगु दु।