स्वनिगलय् ३२ म्ह संक्रमित थप, ल्याः १४,५१९ थ्यन

स्वनिगलय् ३२ म्ह संक्रमित थप, ल्याः १४,५१९ थ्यन


असार १८ - लिपांगु २४ घाै दुने नेपालय् थप  ४७३ म्हसिके कोरोना भाइरस संक्रमणया पुष्टि जुगु दु।

स्वास्थ्य तथा जनसंख्या मन्त्रालयया नियमित प्रेस ब्रिफिङय् प्रवक्ता प्रा.डा जागेश्वर गौतमं १०९  म्ह मिसा व  ३६४ म्ह मिजंयाके कोरोना पोजेटिभ पुष्टि जुगु जानकारी बियादिल।  

थ्वनापं कोरोना संक्रमितया ल्याः १४,५१९ म्ह थ्यगु दु । थाैं स्वनिगलय् ३२ म्ह संक्रमित थप जुगु दु। येँय् ११ म्ह मिजं व १७ म्ह मिसा याना २८ म्हसिके कोरोना पुष्टि जुगु दु।  अथेहे ख्वपय् व यलय् २ , २ म्ह  मिजंयाके संक्रमण पुष्टी जुगु खः।  

प्रवक्ता गौतमं आःतक ५,३२० म्ह डिस्चार्ज जुगु धयादिल। लिपांगु २४ घाै दुने ६६४ म्ह डिस्चार्ज जुगु खः।