थप १६६ म्हसिके कोरोना पुष्टि, ल्याः १,५६७ थ्यन

थप १६६ म्हसिके कोरोना पुष्टि, ल्याः १,५६७ थ्यन


जेठ १८ -  नेपालय् थाैं थप १६६ म्हसिके कोरोना संक्रमण पुष्टि जुगु दु । थ्व नापं कोरोना संक्रमितया ल्याः १,५६७  थ्यगु स्वास्थ्य तथा जनसंख्या मन्त्रालयं धागु दु ।

मन्त्रालयया प्रवक्ता डा.विकास देवकोटां  १६६ न्हूपिं संक्रमित थप जुगु धयादिल । वयकया कथं थाै सप्तरी,,बाजुरा, बाँके, कपिलवस्तु, कालिकोट, रौतहट, सल्यान, दैलेख, सर्लाही, दाङ, संखुवासभा, कपिलवस्तु, कैलाली,झापा,मोरङ्ग, सर्लाही लगायतया ठासय् च्वपिं थप १६२ म्ह मिजं व ४ मिसा याना मुक्क १६६ म्हसिके संक्रमण पुष्टि जुगु दु।आःतक देयया ५३ जिल्लाय् संक्रमण पुष्टि जुगु वयकलं धयादिल ।

वयकया कथं थाैं १ म्ह डिस्चार्ज जुगु दु। थ्व नापं आःतक देयन्यकं १७३ म्ह मिजं व ४७  म्ह मिसा याना मुक्कं २२० म्ह डिस्चार्ज जुगु दु। 

वयकलं कोरोनाका कारणं म्हिगः दैलेखया छम्ह मिजं व थाैं सुथय् बाजुराया निदँया मिसामचा सीगु धासें सिइपिनिगु ल्याः ८ म्ह थ्यगु पुष्टी यानादिल।