स्वनिगलय् ३ नापं १५६ संक्रमित थप, ल्याः १७,६५८ थ्यन

स्वनिगलय् ३ नापं १५६ संक्रमित थप, ल्याः १७,६५८ थ्यन


साउन ४ - लिपांगु २४ घाै दुने येँय् छम्ह व यलय् निम्ह याना स्वनिगलय् स्वम्ह याना देयन्यकं  १५६ म्ह न्हूपिं कोरोना संक्रमित थप जुगु दु।

स्वास्थ्य तथा जनसंख्या मन्त्रालयया प्रवक्ता प्रा.डा. जागेश्वर गौतमं नियमित प्रेस ब्रिफिङया झ्वलय्  देयया थीथी २७ गू प्रयोगशालाय् ३,७४१ जुगु पिसीआर परीक्षणय् स्वनिगलय् स्वम्ह नाप १५६ म्हसिके कोरोना संक्रमण पुष्टि जुगु जानकारी बियादिल। थ्वनापं कोरोना संक्रमितया ल्याः १७,६५८ थ्यगु दु।

प्रवक्ता गौतमया कथं सक्रिय संक्रमितया ल्याः ५,९२३ दुसाः लिपांगु २४ घाै दुने कोरोनामुक्त जुया ५८ म्ह डिस्चार्ज जुगु दु। थ्वनापं  आ:तक डिस्चार्ज जुपिनिगु ल्याः ११,६९५ थ्यगु दु।