१३३ संक्रमित थप, ल्याः १८,३७४ थ्यन

थप १०७ म्ह कोरोना संक्रमणमुक्त

१३३ संक्रमित थप, ल्याः १८,३७४ थ्यन


साउन ९ - नेपालय् शुक्रबाः १३३ म्हसिके कोरोना भाइरसया संक्रमण पुष्टि जुगु दु। थ्वनापं कोरोना संक्रमितया ल्याः१८,३७४ थ्यगु दु।

स्वास्थ्य तथा जनसंख्या मन्त्रालयया प्रवक्ता डा. जागेश्वर गौतमं शुक्रबाः नियमित लाइभ अपडेटय् जानकारी बियादिगु खः। थुथाय् ५,३८३ म्ह सक्रिय संक्रमितया ल्याः दुगु मन्त्रालयं धागु दु।

लिपांगु २४ घाै दुने थप १०७ म्ह कोरोना संक्रमणमुक्त जुगु दु।थ्वनापं नेपालय् कोरोना संक्रमण जुया लायेकाः छेँय् वपिनिगु ल्याः  १२,९४७ थ्यगु दु।

मन्त्रालयया कथं थाैं पर्साया छम्ह कोरोना संक्रमित सिगु दु। वंगु बुधबार श्वासप्रश्वासय्  समस्या खनेदसेलिइ वीरगञ्जया गण्डक अस्पतालय्  भर्ना जुम्ह ८५ दँया ज्याथी थाै सुथय् सीगु वयकलं धयादिल। थ्वनापं आःतक कोरोनाया कारण सिइपिनिगु ल्याः ४४ थ्यगु दु।