१०९ संक्रमित थप, ल्याः १८,४८३ थ्यन

१०९ संक्रमित थप, ल्याः १८,४८३ थ्यन


साउन १० - नेपालय् शनिबाः थप १०९ म्हसिके कोरोना भाइरसया संक्रमण पुष्टि जुगु दु। थ्वनापं कोरोना संक्रमितया ल्याः १८, ४८३ थ्यगु दु।

स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमं शनिबाः नियमित लाइभ अपडेटय् थथे जानकारी बियादिगु खः।

४,०७५ म्हसिके याःगु पीसीआर परीक्षणय् १०९ म्ह संक्रमित लुगु प्रवक्ता डा गौतमं धयादिल।

शनिबाः कोरोना संक्रमणमुक्त जुया १०६ म्ह छेँय् लिहाँवगु दुसाः आःतक संक्रमणमुक्त जुपिनिगु ल्याः १३,०५३ थ्यगु दु।

मन्त्रालयया कथं वीरगञ्जया नारायणी कोरोना विषेश अस्पतालय् वासः याकाच्वम्ह छम्ह  कोरोना सङ्क्रमित शुक्रबाः सीगु दु। प्रवक्ता डा. गौतमं  बाराया १७ दँया मिसायाके  शुक्रबाः हे कोरोना परीक्षणया रिपोर्ट पोजेटिभ वगु खः।  थ्वनापं आःतक कोरोनाया कारण सिइपिनिगु ल्याः ४५ थ्यगु दु।