स्वनिगलय् ३८ म्ह कोरोना संक्रमित थप

स्वनिगलय् ३८ म्ह कोरोना संक्रमित थप


साउन १६ - थाैं स्वनिगलय् ३८ म्ह कोरोना संक्रमित थप जुगु दु।

स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमं शुक्रबाः नियमित लाइभ अपडेटय् उगु जानकारी बियादिगु खः। वयकया कथं येँय् ३२ म्ह , यलय् ५ म्ह व ख्वपय्  १  म्ह याना ३८ म्हसिके संक्रमण पुष्टी जुगु खः।

मन्त्रालयका प्रवक्ता डा. जागेश्वर गौतमं राष्ट्रिय जनस्वास्थ्य प्रयोगशाला टेकुइ येँया ८ म्ह, शुक्रराज ट्रपिकल तथा सरुवा रोग अस्पतालया प्रयोगशालाय् येँया ३  म्ह व यलया २ म्ह , विर अस्पतालया प्रयोगशालाय्  येँया छम्ह, नेपाल प्रहरी अस्पतालया प्रयोगशालाय् येँया १८ म्ह व यलया छम्ह , नेपाल कोरीया अस्पतालया प्रयोगशालाय् ख्वपया छम्ह,   पाटन  अस्पतालया प्रयोगशालाय् येँया २ व यलया २ म्हसिके कोरोना संक्रमण जुगु जानकारी बियादिल ।