थप ३३४ म्हसिके कोरोना पुष्टि, ल्याः २,६३४ थ्यन

आःतक २९० म्ह डिस्चार्ज

थप ३३४ म्हसिके कोरोना पुष्टि, ल्याः २,६३४ थ्यन


जेठ २२ -  नेपालय् थाैं बिहिबाः थप ३३४ म्हसिके कोरोना संक्रमण पुष्टि जुगु दु । थ्व नापं कोरोना संक्रमितया ल्याः २,६३४ थ्यगु स्वास्थ्य तथा जनसंख्या मन्त्रालयं धागु दु ।

मन्त्रालयया प्रवक्ता डा.विकास देवकोटां  ३४४ न्हूपिं संक्रमित थप जुगु धयादिल । वयकया कथं  देयया थीथी २१ छगू प्रयोगशालाया यागु परीक्षणय् सप्तरी, ताप्लेजुङ,सुनसरी,पर्सा, सुर्खेत, दैलेख,  सिन्धुली,म्याग्दी, बागलुङ्ग, पर्वत, मोरङ्ग, स्याङ्गजा, कैलाली, बाँके, मुगु,डोटी, खोटाङ्ग, कपिलवस्तु, बारा, दाङ, प्यूठान, झापा, धनुषा,महोत्तरी,राैतहट,सर्लाही सिरहा लगायतया थीथी ठासय् च्वपिं थप ३१९ म्ह मिजं व १५ म्ह मिसा याना मुक्क ३३४ म्हसिके संक्रमण पुष्टि जुगु दु।  आःतक देयया  ६५ जिल्लाय् संक्रमण पुष्टि जुगु वयकलं धयादिल । 

वयकया कथं थाैं थीथी अस्पतालं १२ म्ह डिस्चार्ज जुगु दु। थ्व नापं आःतक देयन्यकं २३४ म्ह मिजं व ५६ म्ह मिसा याना मुक्कं २९० म्ह डिस्चार्ज जुगु दु। 

वयकलं भारतं ५ न्हू न्हय् वम्ह पाल्पाया ४५ दँया संक्रमित वंगु २० गते सिगुलिइ थाै वयकया स्वाब पोजेटिज वगु धासें  सीइपिनिगु ल्याः १० थ्यगु धयादिल।