थप ३२३ म्हसिके कोरोना पुष्टि, ल्याः ३२३५ थ्यन

आःतक मुक्कं ३६५ म्ह डिस्चार्ज

थप ३२३ म्हसिके कोरोना पुष्टि, ल्याः ३२३५ थ्यन


जेठ २४ -  नेपालय् थाैं शनिबाः थप ३२३ म्हसिके कोरोना संक्रमण पुष्टि जुगु दु । थ्व नापं कोरोना संक्रमितया ल्याः ३२३५ थ्यगु स्वास्थ्य तथा जनसंख्या मन्त्रालयं धागु दु ।

मन्त्रालयया प्रवक्ता डा.विकास देवकोटां  ३२३ न्हूपिं संक्रमित थप जुगु धयादिल । वयकया कथं  देयया थीथी २१ छगू प्रयोगशालाया यागु परीक्षणय् सुनसरी, मोरङ्ग,झापा, पर्सा, सुर्खेत, दैलेख, तनहुँ, सिन्धुली, भोजपुर, म्याग्दी, कैलाली, कंचनपुर, अछाम, रामेछाप, बाँके, कपिलवस्तु, बारा, दाङ, प्यूठान, धनुषा, महोत्तरी, राैतहट, सर्लाही, जुम्ला, हुम्ला,दोलखा, गोरखा, जाजरकोट,सल्यान, ख्वप कमलविनायक, येँय्  लगायतया थीथी ठासय् च्वपिं थप २८६ म्ह मिजं व ३७ म्ह मिसा याना मुक्क ३२३ म्हसिके संक्रमण पुष्टि जुगु दु।

आःतक देयया ७० जिल्लाय् संक्रमण पुष्टि जुगु वयकलं धयादिल । ७ गू जिल्लात प्रदेश १ य् इलाम, ओखलढुंगा, वाग्मती प्रदेशय्  रसुवा, गण्डकी प्रदेशय् मनाङ, मुस्ताङ, प्रदेश ५ य्  रोल्पा व कर्णाली प्रदेशय् रुकुम पश्चिमय् आःतक संक्रमण मदुगु खः। 

वयकया कथं थाैं थीथी अस्पतालं ३२ म्ह डिस्चार्ज जुगु दु। थ्व नापं आःतक देयन्यकं २९९  म्ह मिजं व  ६६ म्ह मिसा याना आःतक मुक्कं ३६५ म्ह डिस्चार्ज जुगु दु।