कोरोना सङ्क्रमितया ल्याः ५७ म्ह थ्यन

बुधबाः थप स्वम्हसिके संक्रमण पुष्टि

कोरोना सङ्क्रमितया ल्याः ५७  म्ह थ्यन


बैशाख १७ -  नेपालय् कोरोना सङ्क्रमितया ल्याः ५७ म्ह थ्यगु दु ।  बुधबाः थप स्वम्हसिके कोरोना भाइरस संक्रमणया पुष्टि जुगु दु । थ्वयां न्हयः वीरगन्ज ३ छपकैयाया सरसफाई कर्मचारीयात संक्रमण पुष्टि जुसेलिं इमिगु सम्पर्क मांमां याःगु पिसिआर परीक्षणय्  थप ३  म्हसिके संक्रमण पुष्टि जुगु नारायणी अस्पतालं धागु दु। राष्ट्रिय जनस्वास्थ्य प्रयोगशाला, टेकुइ याःगु परीक्षणय् बाराया २ म्ह व पर्साया छम्हसिके पोजेटिभ वगु खः । संक्रमितत जितपुर सिमरा नगरपालिकाया ४३ दँ, सिम्रौनगढया ३१ दँ व  वीरगञ्ज-२ छपकैयाया ४६ दँया मिजं जुगु  अस्पतालं  धागु दुबिरगञ्जया सिद्धार्थ स्कूलया क्वारेन्टाइनय् च्वनाच्वम्ह छम्ह व  सिमरा क्वारेन्टाइनय् च्वनाच्वपिं निम्ह याना थप ३ म्हसिके कोरोना संक्रमण खनेदुगु खः। थ्वयां न्हयः न रौतहटया २४ व ३५  दँया निम्ह मिजंयाके मंगलबाः कोरोना संक्रमण खनेदुगु खः। 

थ्वं नं ब्वनादिसः

कोरोना सङ्क्रमितया ल्याः ५४ म्ह थ्यन