सोहखुटेया छम्हनापं थप १९ म्हसिके कोरोना संक्रमण, ल्याः ६०३ थ्यन

सोहखुटेया छम्हनापं थप  १९ म्हसिके कोरोना संक्रमण, ल्याः  ६०३ थ्यन


जेठ ११ - आइतबाः कोरोना भाइरस संक्रमित १९ म्ह थप जुगु दु । येँया सोहखुटेया ६९ दँया मिजंनापं  १९ म्ह थप जुगु खः।थ्व नापं नेपालय् संक्रमितया ल्याः ६०३  थ्यगु दु।

स्वास्थ्य मन्त्रालयया प्रवक्ता डा. विकास देवकोटां नियमित मिडिया विर्फिङ्गय् बारा, पर्सा, रूपन्देही, कपिलवस्तु, गुल्मी, नुवाकोटय् सहित थप १९ म्हसिके संक्रमण जुगु पुष्टी यानादिगु खः। । आःतकया संक्रमितमध्ये ५२४  मिजं व ७९ मिसा दुगु वयकलं धयादिल। आःतक नेपाःया ४२ गू जिल्लाय् कोरोना सङ्क्रमणया ल्वगि लुगु दु । आइतबाः नुवाकोटय् न्हापांखुसि सक्रमण लुगु खः ।

अथेहे वयकलं कोरोना संक्रमण लायेका छेँय् वपिनिगु ल्याः ८७ थ्यगु जानकारी बियादिगु  दु।