येँय् थाैं स्वम्ह संक्रमित थप , ल्याः ८२७४ थ्यन

देयन्यक थाैं ४२६ म्ह संक्रमित थप

येँय् थाैं स्वम्ह संक्रमित थप , ल्याः ८२७४ थ्यन


असार ५ - येँय् थाैं स्वम्हसिके कोरोना संक्रमण खनेदुगु दु।

स्वास्थ्य तथा जनसंख्या मन्त्रालयया प्रवक्ता प्रा.डा. जागेश्वर गौतमं लिपांगु  २४ घाै दुने येँय् निम्ह मिसा व छम्ह मिजं याना स्वम्हसिके कोरोना भाइरस ल्वय् (कोभिड १९) जुगु पुष्टि यानादिगु खः अथेहे  नेपालय् थाैं थप ४२६ म्हसिके कोरोना संक्रमण पुष्टि जुगु दु। थ्व नापं कोरोना संक्रमितया ल्याः ८२७४ थ्यगु मन्त्रालयं धागु दु ।

मन्त्रालयया प्रवक्ता डा.गौतमं लिपांगु  २४ घाै दुने  देयया थीथी जिल्लाय् ४२६ म्हसिके कोरोना भाइरस ल्वय् (कोभिड १९) या पुष्टि जुगु दु। वयकलं नियमित प्रेस बिफिङया झ्वलय् अछाम,उदयपुर, बैतडी, सिरहा,मोरङ, पर्सा, धनुषा, बाग्लुङ,राैतहट,कपिलबस्तु, प्यूठान, केलाली, पर्वत, नवलपरासी,गुल्मी, बाँके, बर्दिया, सल्यान,सुर्खेत, कालीकोट, कंचनपुर दाङ,  लगायतया ठासय् कोरोना पोजेटिभ पुष्टि जुपिं ४२६ म्ह थप जुगु जानकारी बियादिल। थ्वंनापं कोरोना संक्रमितया ल्याः ८२७४ म्ह थ्यगु दु।