वीरया ओपिडीइ वम्ह मिसायात संक्रमण, चिकित्सक होम क्वारेन्टिनय्

वीरया ओपिडीइ वम्ह मिसायात संक्रमण, चिकित्सक होम क्वारेन्टिनय्


असार १८ - वीर अस्पतालय् ओपिडी सेवा काम्ह छम्ह मिसायाके कोरोना संक्रमण पुष्टि जुगु दु।

अस्पतालया कार्डियो भास्कुलर एण्ड थोरासिक सर्जरी ( सिटिभिएस) या ओपिडइ सोमबाः वासः याकेत थ्यह वयकयाके कोरोना पुष्टि जगु खः।

वयकयाके कोरोना पुष्टि जुसेलिइ अस्पतालया  ३ म्ह चिकित्सक होम क्वारेन्टिनय् च्वनाच्वंगु दु। चिकित्सकतयगु पिसिआर परीक्षण जुयाच्वंगु अस्पतालं धागु दु।

सिटिभिएस विभागया प्रमुख डा. किरण श्रेष्ठया कथं वयकयात वीरय् ओपिडी जाँच यायेधुक्का थप उपचारया लागि भक्तपुर क्यान्सर अस्पतालय् रिफर याःगु खः।

क्यान्सर अस्पतालय् शल्यक्रिया यायेत पिसिआर परीक्षण याःबलय् पोजेटिभ वगु खः। कोरोना जुसेलिइ कन्ट्रायक हिस्ट्री मालेगु झ्वलय्  वीरय् ओपिडी सेवा काःगु लुसेलिइ अन खबर याःगु खः।

अनंलिपा वयकंलिसेंं संलग्न जुगु जनशक्तिया पहिचाहन याना पिसिआर परीक्षणया लागि छ्वगु दु।