नेपालय् कोरोनाया स्वगूगु लहर असोज १५ निसें वयेफूगु मन्त्रालयया प्रक्षेपण

नेपालय् कोरोनाया स्वगूगु लहर असोज १५ निसें वयेफूगु मन्त्रालयया प्रक्षेपण


साउन ११ - नेपालय् कोरोना संक्रमणया स्वगूगु लहर असोज १५ निसें वयेफूगु स्वास्थ्य तथा जनसंख्या मन्त्रालयं धागु दु। मन्त्रालयं संसदया शिक्षा तथा स्वास्थ्य समितिइ थाैं सोमबाः कोभिड–१९ रोकथाम तथा नियन्त्रणया लागि नेपाल सरकारं याःगु कुततय्गु संक्षिप्त विवरण व लिपाया कार्यदिशा प्रस्तुत यासें असोज १५ निसें संक्रमणया स्वगूगु लहर वयेफू धागु खः।

समितिया बैठकय् मन्त्रालयया योजना महाशाखा प्रमुख डा. गुणराज लोहनीइ मंसिरय् हाकनं संक्रमण अप्वयेफूगु सम्भावनायात आँकलन यानादिल।

अथे खसाः नं भेरियन्टया स्वरुप व प्रकृति, खोपया उपलब्धता व प्रयोग, सामाजिक गतिविधि व जनस्वास्थ्यया आधारभूत मापदण्डतय्गु पालनाया स्तरं थुकिया न्ह्यने  वा  ल्यूने यंकेफूगु वय्कलं धयादिल।