त्रिविया जाँचय् ब्वति कयाच्वपिं ब्वमितय्सं खोप कायेखनिगु

त्रिविया जाँचय् ब्वति कयाच्वपिं ब्वमितय्सं खोप कायेखनिगु


साउन २७ - सरकारं त्रिभुवन विश्व विद्यालयं सञ्चालन यानाच्वंगु जाँचय् ब्वति कयाच्वपिं ब्वमितय्त कोभिड–१९ विरुद्धया खोप बिइगु जूगु दु।

स्वास्थ्य सेवा विभागया बाल कल्याण तथा खोप महाशाखाया प्रमुख डा. झलक शर्मा गौतमयाकथं त्रिविपाखें सञ्चालन जुयाच्वंगु जाँचय् ब्वति कयाच्वपिं ब्वतितय्त तत्काल खोप बिइगु निर्णय जूगु खः। खोप कायेत प्रवेश पत्र अनिवार्य जूगु वय्कलं धयादिल।

वय्कया कथं येँय्या प्रहरी अस्पताल, सैनिक अस्पताल, सशस्त्र प्रहरी अस्पताल व राधास्वामी आइसोलेसन खोप केन्द्रय् वनाः ब्वमितय्सं खोप कायेफइ। त्रिविं थुथाय् स्नातक व स्नातकोत्तर तहया जाँच कयाच्वंगु दु।