थनिनिसें १२ निसें १७ दँ उमेर समूहया मस्तेत फाइजर खोप

थनिनिसें १२ निसें १७ दँ उमेर समूहया मस्तेत फाइजर खोप


मंसिर ५ - येँय् व यलय् थनिनिसें १२ निसें १७ दँ उमेरतकया  मस्तेत कोरोनाविरुद्धया फाइजर खोप बिइगु न्ह्याःगु दु। थ्वया न्हय् दीर्घ ल्वय् दुपिन्त जक खोप ब्यूगु खः। थनिनिसें मंगलबाःतक धासाः १२ निसें १७ दँ उमेर तकया स्वस्थ मस्तेत नं खोप बिइगु निर्णय याःगु खः।

दीर्घ ल्वय् जुपिन्त खोप बियाः ल्यदगुंलिं सरकारं स्वस्थ नागरिकयात नं खोप बिइगु निर्णय याःगु खः। येँय् व यल जिल्लाया स्वास्थ्य ज्याकुया कथं थनिनिसें ३ न्हूतक खोप केन्द्रय् वयाः थ्व उमेर समूहयापिन्सं खोप कायेफइ। तर खोपया ल्याः कम जुगुलिं न्हापां वपिन्त न्हापांगु प्राथमिकता जुइगु ज्याकुथिइ धागु दु।

यलय् पाटन अस्पतालय् खोप बिइसाः येँय् वीर अस्पताल, त्रिवि शिक्षण अस्पताल, निजामती सेवा अस्पताल, शहिद गंगालाल हृदय केन्द्र व वीरेन्द्र सैनिक अस्पतालय् खोप बिइ।