कलङ्की, बल्खु, कोटेश्वर व गोङ्गबुं लच्छितक कोरोनाविरूद्ध खोप कायेफइगु

कलङ्की, बल्खु, कोटेश्वर व गोङ्गबुं लच्छितक कोरोनाविरूद्ध खोप कायेफइगु


मंसिर ७ - येँय्लिसें स्वाःगु मुख्य ४ नाका कलङ्की, बल्खु, कोटेश्वर व गोङ्गबुइ लच्छितक कोरोनाविरुद्धया खोप बिइगु जूगु दु।

थ्व खोप ज्याझ्वः वइगु पुस ५ गतेतक न्ह्याइगु येँय् महानगरपालिकां धागु दु। महानगरया कथं थुपिं ठासय् दुगु खोप केन्द्रय् १८ दँ पूरा जुपिं फुक्कं नागरिकं खोप कायेफइ ।

महानगरया स्वास्थ्य विभागया प्रमुख हरिबहादुर कुँवरं ४ खोप केन्द्रपाखें भेरोसेल, कोभिसिल्ड/एस्ट्राजेनेका खोप बिइगु धयादिल। वय्कया कथं थ्वनापं महानगरया ३२ गुलिं वडाय् क्वःछिनाःतगु खोप केन्द्रपाखें थ व कन्हय् कोभिडविरुद्धया न्हापांगु व निगूगु मात्राया खोप ज्याझ्वः सञ्चालन जुइ ।