येँय् महानगरय् दिउगु खोप ज्याझ्वः कन्हय् निसें हाकनं शुरू

येँय् महानगरय् दिउगु खोप ज्याझ्वः कन्हय् निसें हाकनं शुरू


जेठ ३० - येँय् महानगरपालिकाय् शुक्रबाःनिसें दिउगु कोरोनाविरुद्धया खोप ज्याझ्वः हाकनं कन्हय् निसें शुरु जुइगु जूगु दु।

महानगरया जनस्वास्थ्य विभाग प्रमुख हरिबहादुर कुँवरया कथं कन्हय् सोमबाः व कसं मंगलबाः ६० व ६१ दँ उमेर समूहयापिन्त खोप बिइ।

महानगरं थ्वया न्हय् ३२ गुलिं वडा ज्याकुथिइ खोप ज्याझ्वः याःगु खः। सरकारं गाक्कं खोप मब्यूगुलिं बिइमफुगु धासें वंगु शुक्रबाः मेगु सूचं मवतलेया लागि खोप बिइगु ज्याझ्वः स्थगित याःगु खः।

प्रमुख कुवरया कथं थ्वया न्हय् त्वःफिउपिं ६० व ६१ दँ उमेर समूहयात वीर अस्पताल, सिभिल अस्पताल, त्रिवि शिक्षण अस्पताल व वीरेन्द्र सैनिक अस्पताल छाउनीपाखें खोप बिइ।