कोरोना संक्रमित निम्हसिगु निकःखुसिया रिपोर्ट ‘पोजिटिभ’

कोरोना संक्रमित निम्हसिगु  निकःखुसिया रिपोर्ट  ‘पोजिटिभ’


चैत २० - येँय्या टेकुइ दुगु शुक्रराज ट्रपिकल तथा सरुवा रोग अस्पतालय् वास याकाच्वंपि  कोभिड-१९ संक्रमित निम्हसिगु निकःखुसिया रिपोर्ट न पोजिटिभ वगु दु । मंगलबाः स्वाब संकलन याना परीक्षणया लागि राष्ट्रिय जनस्वास्थ्य प्रयोगशाला  छ्वगु खः । 

इमिगु स्वास्थ्य अवस्था धासाः सामान्य दुगु अस्पतालया प्रवक्ता डाक्टर अनुप बाँस्तोलां धयादिल। वंगु चैत ४ गते फ्रान्सं कतारया दोहा जुया नेपाः थ्यकवंम्ह १९ दँया मिसायाके  चैत १० गते व चैत ६ गते यूएईं वम्ह धादिङया ३४ दँया मिजंयाके चैत १२ गते कोरोना संक्रमण जुगु धकाः पुष्टि जुगु खः। 

नेपालय् तक ५ म्हसित कोरोना भाइरसया संक्रमण पुष्टि जुगु दु। छम्ह वास याका छेँय् लिहाँवनेधुक्कुगु दुसाः छम्हसिगु् बाग्लुङय् व छम्हसिगु धनगढीइ वासः जुयाच्वंगुदु ।