कोभिशिल्ड खोपयात डब्ल्यूएचओया अनुमति

कोभिशिल्ड खोपयात डब्ल्यूएचओया अनुमति


फागुन ४ - नेपालय् प्रयोग जुयाच्वंगु कोरोना भाइरसविरुद्धया खोप कोभिशिल्डयात विश्व स्वास्थ्य सङ्गठनं (डब्ल्यूएचओ)  आपतकालीन प्रयोगय लागि अनुमति ब्यूगु दु ।

डब्ल्यूएचओं भारतया सीरम इन्स्टिच्युटं उत्पादन यानाच्वंगु कोभिशील्ड व दक्षिण कोरियाया अस्ट्राजेनेका–एसकेबायों उत्पादन याःगु खोपयात सूचीकृत याःगु खः। नेपालय् थुथाय्  भारतं अनुदानय् बियातगु कोभिशिल्ड खोपपाखें  खोप अभियान संचालन जुयाच्वंगु द ।

डब्ल्यूएचओं विज्ञप्तिइ पिकया कोभिशिल्डनापं २ गू खोपया गुणस्तर, सुरक्षा व प्रभावकारिताया अध्ययन याना सूचीकृत याःगु धागु दु । डब्लुएचओं सूचीकृत याःगु खोप कोभ्याक्स सुविधामार्फत् वितरण यायेत योग्य जुइ । कोभ्याक्स अन्तर्गत नेपालं वइगु महिनाय् २२ लख ५० द्वः मात्रा कोभिशील्ड प्राप्त याइगु सरकारं धागु दु ।

कोभिशिल्डया प्रभावकारिता ६३ प्रतिशत लुगु व १८ दँ च्वय्यापिं फुक्कसियां कायेछिंगु डब्ल्यूएचओं धागु दु। कोभ्याक्स सुविधाया खोपयात नं लक्षित याना सरकारं वइगु २३ गतेनिसें ज्येष्ठ नागरिकयात खोप बिइगु सुरु यायेत तयारी याःगु दु ।

डब्ल्यूएचओं थ्वया न्हय हे फाइजर–बायोएनटेक खोपयात आपतकालीन प्रयोगया अनुमति बिइधुक्कुगु दु ।