यलया थीथी ठासय् ५ म्ह अप्व मनू मुने मदइगु

यलया थीथी ठासय् ५ म्ह अप्व मनू मुने मदइगु


भदौ २० - यलया थीथी ठासय् खुन्हूतक ५ म्हं अप्व मनू मुने मदइगु याःगु दु ।

बुंगद्यःया रथ सालेगु विवादलिपा जिल्ला प्रशासन ज्याकुथिइ म्हिगः कर्फ्यु तःगु लागाय् आःया खुन्ह्  भदौ २६ गते तक मनूत मुने मजिकं रोक तगु खः।

यल जिल्ला प्रशासनया विज्ञप्तिइ बुंगद्यःया रथ तयातगु जखया लागा पूर्व मदन स्मारक स्कुल न्ह्यनेया लागा, पश्चिम यल महानगरपालिका ज्याकु, दक्षिण सेन्ट जेभियर्स स्कुल न्ह्यनेया लागा व उत्तर बखुण्डोलय् मनू मुने मदइगु धयातगु दु।

अथेहे चकबाद्यःया रथ तयातगु लागा अर्थात पूर्व मंगः, पश्चिम मदन स्मारक स्कुल न्ह्यनेया लागा, दक्षिण पूञ्चली देग व  उत्तर पिमवहाःतक मुनेमदइगु विज्ञप्तिइ न्ह्यथनातगु दु।