अनुवांशिक अध्ययन याःबलय् नेपालय् लुत डेल्टा भाइरस

अनुवांशिक अध्ययन याःबलय् नेपालय् लुत डेल्टा भाइरस


असोज १२ - कोरोना भाइरस सङ्क्रमणया अनुवांशिक (जीन सिक्वेन्सिङ) अध्ययन याःबलय् नेपालय् डेल्टा भाइरस लूगु दु।

राष्ट्रिय जनस्वास्थ्य प्रयोगशाला व त्रिभुवन विश्वविद्यालय (त्रिवि) जैविक प्रविधि केन्द्रीय विभागय् याःगु अनुवांशिक अध्ययनय् फुक्कसिकें डेल्टा भाइरस लूगु खः।

प्रयोगशालाया निर्देशक डा रुणा झां ४२ नमूनाया अनुवांशिक अध्ययन यागुलिं ४१ लिं डेल्टा भाइरस व छगुलिं ‘क’ जीन नेगेटिभ जूगु अल्फा भेरियन्ट खनेदुगु धयादिल।

प्रयोगशालाय् २६ व केन्द्रीय विभागय् १६ अनुवांशिक अध्ययन याःगु खः। ४१ नमूना भदौ व असोजलिसें १ बैशाखय् सङ्कलन याःगु खः।

राष्ट्रिय प्रयोगशालायात विश्व स्वास्थ्य सङ्गठनं व केन्द्रीय विभागयात वाशिङ्टन विश्वविद्यालयं प्राविधिक ग्वाहालि याःगु खः। निर्देशक डा झां नं आ: नेपालय् हे सङ्क्रमणया अनुवांशिक अध्ययन यायेफइगु धयादिल।