कोरोनां पत्रकार दाहाल मन्त

नेपालय् कोरोनां सिइपिं पत्रकारया ल्याः ८ म्ह थ्यन

कोरोनां  पत्रकार दाहाल मन्त


बैशाख २५ - कोरोनां सङ्क्रमित नेपाल पत्रकार महासंघ येँय् कचाःया दुज दिनेश दाहाल मन्त । वंगु १ गते कोरोना सङ्क्रमण पुष्टि जुसेलिं छेँय् आइसोलेशनय् च्वनाच्वम्ह दाहालयात सासः ल्हायेत समस्या जुसेलिं १० गते यलया धापाख्यलय् च्वंगु सुमेरु अस्पतालय् भर्ना याःगु खः।

१५ न्हूनिसें वासः याकाच्वम्ह दाहाल थौं सुथय् मदुगु खः। निगु दशकनिसें पत्रकारिताय् सक्रिय दाहालं जनप्रहार साप्ताहिकय् ताईतक सम्पादकया रुपय् ज्या यानादिगु खःसाः लिपांगु इलय् सिपोष्ट न्यूज डटकमया सम्पादक/प्रकाशकया रुपय् पत्रकारिता यानाच्वनादिगु खः।

कोरोनाया कारण आःतक ८ म्ह पत्रकार सिगु दुसाः ६५० मल्याकं पत्रकार सङ्क्रमित जूगु दु।