मास्क मतसें जुइपिन्त कारवाही यायेत फुक्कं जिल्ला प्रशासन ज्याकुथियात निर्देशन

मास्क मतसें जुइपिन्त कारवाही यायेत फुक्कं जिल्ला प्रशासन ज्याकुथियात निर्देशन


साउन १२- सरकारं छेँय् पिहाँवनिबलय्  मास्क मतसें  जुइपिन्त कारवाही यायेत फुक्कं जिल्ला प्रशासन ज्याकुथियात निर्देशन बिउगु दु ।

गृह मन्त्रालयं कोरोना संक्रमण फैले जुइके मबिइत मास्क मतसें छेँय् नं पिहाँवइपिन्त कारबाही यायेत ७७ गूलिइ जिल्ला प्रशासन ज्याकुयात हाकनं निर्देशन बिउगु दु।

लकडाउन लिकासेलिइ जोखिम अप्वयेफुगुपाखें सचेत जुया नागरिकयात मास्क तया जक पिहाँवयेत इनाप यानागु व अथे मयापिन्त कारबाही यायेत निर्देशन बियागु धकाः गृह मन्त्रालयया सहायक प्रवक्ता उमाकान्त अघिकारीइ धयादिल। लकडाउन लिकासेलिइ बजारय् मनूत म्वःम्वः जुगु लिसें चहलपहल नं अप्वगु दु । मास्क मतसें जुइपिन्त संक्रामण रोग ऐन २०२० कथं कारबाही यायेत निर्देशन बियागु धकाः वयकलं धयादिल ।

थ्वया न्हय् न सरकारं वंगु असार २२ गते मास्क मतसें जुइपिन्त कारबाही यायेत सुरक्षा निकाययात निर्देशन बिउगु खः।