थनिनिसें ३९ ठासय् सुपथ मूल्य पसः सञ्चालन

थनिनिसें ३९ ठासय्  सुपथ मूल्य पसः सञ्चालन


असोज १ - सरकारी स्वामित्वय् न्ह्यानाच्वगु खाद्य व्यवस्था तथा व्यापार कम्पनी लिमिटेडं ३९ ठासय् दकं भावं लाइगु पसः सञ्चालन याःगु  दु। सुपथ मूल्य पसः कम्पनीया ज्याकू दुगु ३९ ठासय् थनिनिसे पसः तःगु खः। सरकारं नखचखया झवलय् दँय् दसं मोहनी, स्वन्ति व छठया इलय् दकं भावं लाइगु पसः तयाःवयाःच्वंगु खः।

कम्पनीया सूचना अधिकारी शर्मिला न्यौपानेया कथं कम्पनीइ थुगुसिइ जाकि, केँहे, बजि, छुँचु, व चिकनय् ५ व मुस्या चिकं, ला व कर्णाली सिमीइ १० तका छयापं बिइ।

कम्पनीइ स्वनिगलय् खाद्यया थापाथली, रामशाहपथ, नक्खु, लगनख्यः व सूर्यविनायक बिक्री केन्द्रपाखें दकं भावं नसाःज्वंल मिइगु धागु दु । अथेहे, स्वनिगपिने भ्वँत, विराटनगर, बिर्तामोड, हेटौँडा, नारायणगढ, भैरहवा, बुटवल, नेपालगञ्ज, पोखरा, दाङ, सुर्खेत, धनगढी, महेन्द्रनगर, डडेलधुरालगायत ठासं नं नसाःज्वंल मिइगु जूगु दु।

सुपथ मूल्य पसः कात्तिक २४ गतेतक सञ्चालन जुइ ।