दोलखा भीन्द्यःयात चःति वल

दोलखा भीन्द्यःयात चःति वल


बैशाख २५ - प्राचिन, ऐतिहासिक  दोलखाया भीन्द्यःयात चःति वगु दु । भीमेश्वर नगरपालिका वडा ल्याः २ य् दुगु भीन्द्यःयात थौं न्हिनय् १२ ताई जुया १५ मिनेटनिसें मदिक्क चःति वयाच्वंगु भीमेश्वर मन्दिर गुठी तथा पुजा व्यवस्थापन समितिया अध्यक्ष भरत श्रेष्ठं जानकारी बियादिल।

सकारात्मक वा नकारात्मक परिर्वतन, अनिष्टया घटनाया पुर्वसुचकया रुपय् काइगु  भीन्द्योयात चःति वइबलय् भक्तजनत मुनाः गं थाइगु, धुपाँय् मत च्याकिगु व देगःया मू पुजारी पङखां गायेकिगु याइ।द्यःयात चःति वसेलिं देगः जख यक्व ल्याखँय् स्थनीयवासी व भक्तजनत मुनाच्वंगु दु।

द्यःया जवं व देपापाखें चःति वयाच्वगु श्रेष्ठं धयादिल । भीन्द्यःयात चःति वलकि देशय् अनिष्ट वा अशुभ जुइगु धार्मिक मान्यता दु । जःवपाखें चःति वसाः जुजुपक्षयात व देपापाखें चःति वसाः जनतायात अनिष्ठ जुइगु धार्मिक मान्यता दु। 

थ्वया न्हय्  २०७७ मंसिर ९ गते भीन्द्यःयात चःति वगु खः । वयां न्हय् २०७६ फागुन ८ गते १७ क्वःखुसि भीन्द्योयात चःति वगु खः। अबलें १ घाै व १५ मिनेटतक चःति वंबलय् देशय् कोरोना भाइरसया महामारी दुहाँवगु जनविश्वास दु। थ्वया न्हय् नं २०६२/०६३ या  जनआन्दोलनया लच्छि न्हय्, तत्कालिन जुजु विरेन्द्र बंशनाश जुइ लत्याति न्हय् व १९९० सालया भ्वखाय् ब्वये न्हय् नं द्यःयात चःति वगु नायः श्रेष्ठं धयादिल ।