आन्तरिक लिसें वाह्य हवाई उडान जेठ २ गतेतकया लागि बन्द याइगु जुल (भिडियो)



बैशाख १३ -  सरकारं आन्तरिक लिसें वाह्य हवाई उडान जेठ २ गतेतकया लागि बन्द यायेगु  निर्णय यागु दु। सिंहदरबारय् शनिबाः च्वंगु कोरोना नियन्त्रण उच्चस्तरीय समन्वय समितिया बैठकं आन्तरिक लिसें वाह्य हवाई उडान जेठ २ गतेतकया लागि बन्द यायेगु  निर्णय याःगु खः ।

थ्वयां न्हय वैशाख १८ गतेतकया लागि हवाई सेवायात रोक तयेगु निर्णय यागु खः । व बाहेक कोरोना संक्रमणया विषयलय् जुगु ज्याया समीक्षा जुगु सचिव नारायण विडारीं धयादिल। बैठकं आतक नियन्त्रणय् सफल हे जुगु  निष्कर्ष पिकाःगु खः। अथेहे बैठकय्  ३३ दिं तकया लकडाउनया समिक्षा नं जुगु दु। सचिव विडारीं लकडाउन गुलि दिं थप यायेगु कि मयायेगु धकाः मन्त्रिपरिषद बैठकं क्वछिइ धकाः जानकारी बियादिल। बैठकं आतक अत्यावश्यक बस्तुया आपूर्ति सहज रुपय् जुगु न ठहर याःगु वयकलं धयादिल ।

अथेहे  कोरोना नियन्त्रण व रोकथाम लिसें उपचारया लागि जुगु कुतयात थप शसक्त ढंगं न्ह्याकेगु निर्णय न याःगु दु।