नेपाल क्यान्सर अस्पतालया अध्यक्ष डा. सुदिप श्रेष्ठयात जापानया कोबायाशी सिरपा ल:ल्हात

नेपाल क्यान्सर अस्पतालया अध्यक्ष डा. सुदिप श्रेष्ठयात जापानया कोबायाशी सिरपा ल:ल्हात


असार ६ - नेपालय् क्यान्सरया उपचारलिसें रोकथामय् उल्लेखनीय योगदान याःगु धासें जापानया कोबायाशी फाउण्डेशनं नेपाल क्यान्सर हस्पिटल एण्ड रिसर्च सेन्टर हरिसिद्धिया कार्यकारी अध्यक्षलिसें वरिष्ठ क्यान्सररोग विशेषज्ञ डा.सुदिप श्रेष्ठयात खुक्वःगु कोबायाशी फाउण्डेशन पुरस्कार—२०२० लःल्हागु दु।

५ लख जापानी येन (५ लख ३६ द्वःतकाति नेपाली धिबाः) नापंया ‘हेल्थकेयर प्रोफेसनल’ पाखेंया उगु सिरपा डा.श्रेष्ठयात शनिबाः जापानय् जूगु क्यान्सरसम्वन्धि भर्चुअल विशेष सम्मेलनय् लःल्हागु खः। फाउण्डेशनं २०७६ फागुनय् सिरपा बिइगु घोषणा याःगु खः।

तर कोरोना महामारीया कारण फाउण्डेशनया औपचारिक ज्याझ्वः थगुने स्थगित जूगु खःसाः थगुसिइ नं कोरोना महामारीया कारण नेपाः व जापानय् लकडाउन जूयाच्वंगुलिं उगु सिरपा डा.श्रेष्ठयात शनिबाः जूगु भर्र्चुअल सम्मेलनय् ब्यूगु खः। सिरपाया धिबाः व हनापाैं थुगु वालय् नेपाः थ्यनिगु धागु दु।

थाइल्याण्डया डा.अरुनी देचाफुनकुल व हङ्गकङ्गया प्रा.डा.टोनी मोकयात नं खुक्वःगु कोबायाशी फाउण्डेशन सिरपा लःल्हागु  खः ।