६ म्हसिके कोरोना खनेदसेलिइ त्रिवि शिक्षण अस्पतालया आकस्मिक सेवा बन्द

६ म्हसिके कोरोना खनेदसेलिइ त्रिवि शिक्षण अस्पतालया आकस्मिक सेवा बन्द


साउन २९ - येँया महाराजगन्जय् दुगु त्रिवि शिक्षण अस्पतालया आकस्मिक सेवा बन्द याःगु दु ।  

आकस्मिक कक्षय् कार्यरत ६ म्हसिके कोरोना संक्रमण पुष्टि जुगु व मेपिन्के नं लक्षण खनेदुगुलिइ आकस्मिक सेवा बन्द यानागु धकाः अस्पतालया कोभिड संयोजक डाक्टर सन्तकुमार दासं जानकारी बियादिल । वयकया कथं आकस्मिक बाहेकया मेगु सेवा धासाः खुल्ला दु ।

आकस्मिक कक्षया ६ म्हसिके संक्रमण पुष्टि जुसेलिइ इपिलिसें सम्पर्कय् वपिं  सच्छिं मल्याकसियां थौ कोरोना परीक्षणया लागि स्वाब संकलनया तयारी जुगु दु । संक्रमण पुष्टि जुपिन्त आइसोलेशनय् तयातगु नं  संयोजक दासं जानकारी बियादिल ।