विवादय् प्रधानमन्त्रीया प्रेस सल्लाहकारया फेसबुक पोष्ट

विवादय् प्रधानमन्त्रीया प्रेस सल्लाहकारया फेसबुक पोष्ट


मंसिर २१ - प्रधानमन्त्री केपी शर्मा ओलीया प्रेस सल्लाहकार सूर्य थापां सामाजिक सञ्जालय् पोष्ट याःगु छपाः फोटों विवाद ब्वलंकुगु दु।

प्रेस सल्लाहकार थापां ७ न्हय् न्हय्याःगु न्वकु वामदेव गौतमं लँ छिनाच्वंगु फोटो फेसबुकय् गौतमया आलोचना याना स्टाटस तगु खः । 

थापां थज्याःगु स्टाटस च्वसेलिइ न्वकु वामदेव गौतमया सचिवालयया दुज विश्वमणि सुवेदीइ थापायात काउण्टर लिसः बियादिगु दु। ‘सूर्य थापा धइम्ह मिजं , गुम्हसिगु ज्या–पेशा धागु हे दलाली, चाकडी व मेपिनिगु हुर्मत कायेगु खः। उकिइ  नेकपा न्वकु क.वामदेव गौतमया ७  दँ पुलांगु फोटो तया वयकप्रति छगु संक्षिप्त, तर गम्भीर टिप्पणी याःगु दु,उगु फोटोय् हथायगु इलय् असावधानीपूर्वक लँ छिउगु खनेदु। गुकियात कया वयकलं अबलें हे क्षमा फ्वनादिइधुक्कुगु दु। सवाल फोटोया मखु,देयया प्रधानमन्त्रीया प्रेस सल्लाहकारया बिल्ला ज्वना पार्टी उपाध्यक्ष विरुद्ध सामाजिक सञ्जालय् टिप्पणी च्वयेगु नियतया खः।’

थ्वया न्हय् नं थापा प्रधानमन्त्री ओलीया सामाजिक सञ्जाल दुरुपयोग याना आलोचित जुयादिगु खः ।