काेराेनाया 'नक्कली' रिपाेर्ट : १२२ म्हसित एअरलाइन्सं लितछ्वल

काेराेनाया 'नक्कली' रिपाेर्ट : १२२ म्हसित एअरलाइन्सं लितछ्वल


बैशाख ८ - येँय्या सुरिया ल्याबय् कोरोना परीक्षण याकूगु रिपोर्ट क्यनाः विदेश वनेत्यपिं १२२ म्हसित थीथी एअरलाइन्सं लितछ्वगु दु।

सुरिया ल्याबया रिपोर्ट ज्वना विदेश वनेत्यपिं १२२ यात्रुतय्त एअरलाइन्स कम्पनीइ हे लितछ्वगु त्रिभुवन अन्तर्राष्ट्रिय विमानस्थल ज्याकुं नं धागु दु। सुरिया ल्याबं ९ द्वःतकाः कया  स्वाब हे मकासें नेगेटिभ रिपोर्ट बिइगु खँ पिहाँवसेलिं अनया रिपोर्ट ज्वना विदेश वनेत्यपिन्त लितछ्वगु खः।

म्हिगः मङ्गलवाः सूर्या ल्याबय् छापा तःबलय् ९ द्वःतका कयाः स्वाब परीक्षण मयासें हे कोरोना नेगेटिभ दुगु रिपोर्ट बियाच्वंगु लुगु खः। सुरिया ल्याबया ६  म्ह कर्मचारीयात प्रहरीइ ज्वना  ल्याबय् सिल तयाब्यूगु खः।

सुरिया ल्याबया रिपोर्टया आधारं विदेश वनेत समस्या दुगु धासें सचेत जुइत विमानस्थलं इनाप याःगु दु।