फेसन डिजाईन व सिलाई तालिम क्वःचाःल

फेसन डिजाईन व सिलाई तालिम क्वःचाःल


बैशाख ९ - यल महानगरपालिका– १६ वडाया ग्वसालय् फेसन डिजाईन व सिलाई तालिम क्वःचाःगु दु।

बजारया चाहना व माग कथं न्हूगु न्हूगु डिजाईनया लं सुइगु लागि मिसापिन्त दक्ष यायेगु उद्देश्यं तालिम ग्वसाः ग्वयागु धका वडा ल्याः१६ या अध्यक्ष निर्मलरत्न शाक्यं धयादीगु खः।

तालिम गर्जियस इन्ष्टिच्यूसन अफ फेशन टेक्नोलोजी (गिफ्ट) या संयोजनय् जूगु खः।

फेशन डिजाईन नाप नेपाःया सांस्कृतिक पहिचान पिब्वइगु थीथी डिजाईनया लं सूइगु ज्ञान व सीप स्यनागु धका टेक्नोलोजीया निर्देशक शोभा महर्जनं धयादिल ।

तालिम लेजिना महर्जन व रेविका महर्जनं बियादिगु खःसाः  कीपूया क्वनाय् शनिबाः जूगु समापन ज्याझ्वलय् तालिमय् ब्वतिकापिन्त दसिपाैं नं लःल्हागु खः।स्वला तक न्ह्याःगु तालिमय् सिलाई सम्बन्धी आधारभुत ज्ञान व सीप दुपि ३० म्ह मिसापिन्सं ब्वति काःगु खः।