जापानय् ब्वइगु मोटरसाइकल सार्वजनिक, आकिबंनिसें बजारय् वइगु

जापानय् ब्वइगु मोटरसाइकल सार्वजनिक, आकिबंनिसें बजारय् वइगु


कार्तिक ११ - जापानया राजधानी टोकियोया छगू कम्पनीइ ब्वइगु मोटरसाइकल सार्वजनिक याःगु दु।

फुजी हिमालया क्वय् दुगु छगू खाली रेसट्र्याकय् होभरबाइक नांया ब्वइगु मोटरसाइकल सार्वजनिक याःगु खः। एएलआई कम्पनीइ उत्पादन याःगु ब्वइगु मोटरसाइकल छकः चार्ज यातकि ४० मिनेटतक प्रतिघण्टा १०० किलोमिटरया गतिइ ब्वयेफू।

होभरबाइकया भाः ६ लख ८२ द्वः  डलर (७७.७ मिलियन ऐन) अर्थात् ८ करोड २० लखः तका क्वःछिउगु निकेइ एसियां धागु दु। कम्पनीया कथं ३०० किलो तौल दुगु मोटरसाइकलय् छम्ह जक गयेछिइ। मोटरसाइकल सार्वजनिक जूगु दिंनिसें अर्डर कायेगु शुरू जूगु व आकिंवया मध्यतकय् सीमित ग्राहकयात २०० मोटरसाइकल उपलब्ध यायेगु धकाः कम्पनीइ धागु दु।

इलेक्ट्रोनिक कम्पनी मित्सुबिसी व फुटबल खेलाडी केइसुके होन्डां लगानी याःगु होभरबाइक निर्माता कम्पनीइ मनूतय्सं  कार त्वःता थःगु उत्पादन न्याइगु अपेक्षा याःगु दु ।