थाैं ज्यापून्हि, यल लायकुलिइ लुँःयागु सिंहासन ब्वयाः संगित महोत्सव जुइगु

थाैं ज्यापून्हि, यल लायकुलिइ लुँःयागु सिंहासन ब्वयाः संगित महोत्सव जुइगु
फाइल फोटो


असार १० - थौं तछलाथ्व पुन्हि, ज्यापुन्हि। नेवा: परम्पराकथं ज्यापुन्हियात दकलय् ता:हाक:गु न्हिकथं काइ। पश्चिमेली परम्पराकथं जून २१ तारीखयात दकलय् ता:हाक:गु दिंकथं कयात:सां नेवा: नगुमांकथं ज्यापुन्हियात हे दकलय् ता:हाक:गु दिंकथं काइ। दकलय् ता:हाक:गु दिं ज्यापुन्हिखुनु यलया मंग: लायकुलिइ विशेष संगीत महोत्सव जुइगु या:।

जुजु सिद्धिनर्सिङ मल्लया पालंनिसें मंग: लायकुलिइ थौंया दिनय् संगीत महोत्सव जुयावयाच्वंगु दु। संगीत महोत्सवया झ्वलय् जुजु सिद्धिनर्सिङ मल्लं चिनाथकूगु स्वीछपु राग हालेगु चलन दु। मेघमलहार सहित स्वीछपु रागलिसे हे सम्बन्धित सिद्धिनर्सिङ मल्लं हे तयार या:गु बिलंपौलिसें सिद्धिनर्सिङ मल्लया काय् जुजु श्रीनिवास मल्लया सिंहासन नं थौंया दिनय् मंग: लायकुलिइ ब्वयगु चलन दु।

कोरोना भाइरसया संक्रमण पनेत निषेधाज्ञा तयातगुलिइ थाैं मंग: लायकुलिइ सिमित कथं जक संगित महोसत्व जुइगु ग्वसाखलः ललितपुर संस्कृति सम्वर्धन केन्द्र धागु दु। अथेहे मेबलय् जुसाः थाैंया दिं हिच्छि हे सिद्धिनर्सिङ मल्लया बिलंपौ व श्रीनिवास मल्लया सिंहासन ब्वया: दाफा भजन हालिगु खसाः थाैं छघाैया लागि यल जिल्ला प्रशासन ज्याकुथिलिसें उजं कया ज्याझ्वः जुइगु केन्द्रया न्वकु बदन लाल न्याछोँय् नं धयादिल।