थौं काैलाथ्व सप्तमी, फूलपाती

थौं काैलाथ्व सप्तमी, फूलपाती


असोज २६ - थौं काैलाथ्व सप्तमी, मोहनी नख:या न्हय्‌न्हुया दिं फूलपाती।

  • दशैघरय् विधिपूर्वक फूलपाती दुकाइगु परम्परा दु। दशैंघर लिसें देग: व आगमय् थौं केरा, वा, तु लिसें थीथी फलफुल व स्वांमा दुकाया पलिस्था याय्‌गु खः। स्वम्ह देवीपिं महाकाली, महालक्ष्मी, व महासरस्वती मध्ये महासरस्वतीया विशेष पुजा नं जुइ। 
  • नवरथया झ्वलय्, थौं सप्तमी खुनु देवतीर्थय् वना: वासुकि नागराजयात पुज्याना: सफू व मत दान बीगु चलन दु।
  • दुर्गा भवानीया प्रतिमा तयात:गु येँ, हनुमानध्वाखाया दशैंघरय् गोरखां ह:गु फूलपाती विधिपूर्वक दुकाइगु परम्परा दु। गोरखां धादिङया जीवनपुरतक मग: जातिया खुम्ह पुजारीं व धादिङंनिसें हनुमानध्वाखातक खुम्ह पुजारीतयसं फूलपाती दुकाइगु खः। जमलं हनुमानध्वाकातक निजामती सेवाया उच्चपदस्थ अधिकारी, गुर्जुया पल्टन, ब्याण्डबाजा, पञ्चैबाजा व सांस्कृतिक नाचगान सहितया लावालस्करनापं फूलपाती हयाच्वंगुलिइ थुगुसिइ  विधि जक पूरा यायेत्यगु दु।
  • थौं हे नेपाली सेनां तिनिख्यलय् फूलपाती बढाईँ लिसें निशान प्रदान व कवाज ज्याझ्व: नं याय्‌त्यंगु दु। ज्याझ्वलय्  राष्ट्रपति विद्यादेवी भण्डारी फूलपाती बढाइँ समारोहलय् ब्वति कयादिगु ज्याझ्वः दु। 

मोहनी नखःया चहलपहल थनिनिसें अप्वइगु खः। सरकारी ज्याकुथिइ थनिनिसें बिदा जुगु दु ।