यलय् बुद्ध वन्दनालिसें चिकिचाधंगु बुद्ध पूजा याना बुद्ध जयन्ती हन (भिडियो)



बैशाख २५ - यलय्  २५६४ क्वःगू बुद्ध जयन्ती मूल समारोह समितिया ग्वसालय् बिहिबाः रुद्रवर्ण महाविहारय् बुद्ध वन्दना यासें चिकिचाधंगु बुद्ध पूजा जुगु दु।थुगुसिइ कोरोना भाइरसया संक्रमण पनेत लकडाउन तयाःतगुलिइ मनूत म्वः म्वः जुइगु ज्याझवः यायेमज्यूगुलिइ बुद्ध प्रतिमा नगर परिक्रमा लिसें  शान्ति पदयात्रा नापं ज्ञानमाला भजन मजुगु खःसा  सामाजिक दूरी कायम याना बुद्ध वन्दनालिसें चिकिचाधंगु बुद्ध पूजा याना साधारण कथं  बुद्ध जयन्तीया ज्याझ्वः जुगु खः।

ज्याझ्वःलय् पंन्यासार भिक्षुपाखें धर्म देशना वियाविज्यागु खसाः २५६४ क्वःगू बुद्ध जयन्ती मूल समारोह समितिया अध्यक्ष पद्मरत्न शाक्यपाखें लसकुस न्वचु बियादिगु खः । ज्याझ्वःलय् सांसद शोभा शाक्य, पूर्वसचिव तीर्थमान शाक्य लगायत समितिया प्रमुख सल्लाहकारपिं, कार्यकारिणी पदाधिकारीपिं, कार्यकारिणी सदस्यपिं, संचालन समिति सदस्यपिं, समितिया दुजःपिं नापं ललितपुर बुद्ध जयन्ती कोषया पदाधिकारीपिंनिगु ब्वति दुगु खः ।

भिडियोः रामराजा बज्राचार्य/नेपालमण्डल टेलिभिजन 

थ्व नं ब्वनादिसः

थौं बछलाथ्व पून्हि, २५६४ क्व:गु बुद्ध जयन्ती