गणेशमानसिंह अस्पतालय् अक्सिजन अभाव जुल, बिरामीयात मेथाय् यंकेत कुत यानाच्वन

गणेशमानसिंह अस्पतालय् अक्सिजन अभाव जुल, बिरामीयात मेथाय् यंकेत कुत यानाच्वन


बैशाख २६ - यलया महालक्ष्मीस्थानय् दुगु गणेशमानसिंह मेमोरियल अस्पतालय् अक्सिजन अभाव जूगु दु।

अस्पतालं विज्ञप्ति पिकया कोरोनाया बिरामीया लागि अक्सिजन अभाव जूगु व भर्ना जूपिं बिरामीयात मेगु अस्पतालय् यंकेत कुत जुयाच्वंगु जानकारी ब्यूगु दु। अथेहे न्हूपिं बिरामी भर्ना काये फइगु अवस्था नं मदुगु विज्ञप्तिइ न्ह्यथनातगु दु।

थज्याःगु चुनौतीपूर्ण अवस्थाय् अक्सिजन उपलब्ध याकाः ग्वाहालि यानाःबिइत गणेशमानसिंह मेमोरियल अस्पतालं इनाप याःगु दु । म्हिगः नं येँय्या मेडिकेयर अस्पताल, नेपाल भारत मैत्री अस्पताल, दिर्घायु गुरु अस्पताल व हेल्पिङ हेण्ड्स सामुदायिक अस्पतालं नं अक्सिजन सिधगु धासें मंकाः कथं आकस्मिक विज्ञप्ति पिकागु खः।