हीरालिसें लुँवहँया तिसाः परिक्षण तालिम संचालन

हीरालिसें लुँवहँया तिसाः परिक्षण तालिम संचालन


असार १७ -नेपाल सरकार, अर्थ मन्त्रालय, भन्सार विभाग अन्तर्गतया त्रिभुवन विमानस्थल भन्सार ज्याकु व नेपाल सुनचाँदी रत्न तथा आभुषण महासंघया मंका ग्वसालय् भन्सार ज्याकुथिया कर्मचारीतयत लुँवहँ,हीरा लिसें लुँवहँया तिसाः परीक्षण सम्बन्धि तालिम न्ह्याःगु दु।

तालिमया उलेज्या यासें भन्सार ज्याकु प्रमुख शम्भुप्रसाद मरासिनिं थज्याःगु मछिंगु अवस्थाय् नं महासंघं तालिम उपलब्ध याकेत्यगुलिइ लसता प्वकादिल। सरकार व महासंघदथुइया सहकार्ययात थुगु तालिमं थप उजागर याःगु धासें वयकलं थुकियात निरन्तरता  बिइमागुलिइ बः बियादिल। ज्याझ्वःलय् लसकुस न्वचु बिइगु झ्वलय् प्रमुख भन्सार अधिकृत कर्णप्रसाद तिमिल्सिनां प्रशिक्षणया महत्वयात कया नवानादिगु दु।

महासंघया नाय रमेश महर्जनं आयात निर्यातलिसें सम्बन्धित सरकारी निकायत सम्बन्धित क्षेत्रया पर्याप्त विज्ञ जुसाः व्यवसायीयात न अपुइगु धासें भंसार ज्याकु थज्याःगु विज्ञत दुहाँवइगु व विज्ञत पिहाँवनिगु मुख्य नाका जुगु ठासय् थज्याःगु कथंया विज्ञतां आर्थिक वृद्धियात यक्व ग्वाहालि याइगु अपेक्षा यानागु धयादिल। अथेहे वयकलं व्यवसायीतलिसें दुगु प्राविधिक ज्ञान नियामक निकायलय् कार्यरत जनशक्तिया लागि बिइ दुगुलिइ महासंघं थःगु छगु जिम्मेवारी अन्तर्गत कागु धयादिल। नापं वयकलं महासंघया प्रदेश व जिल्ला संघ मार्फत थ्व ज्यायात देयया मेमेगु आवश्यक ठासय् नं विस्तार यायेफइगु जानकारी बियादिल।

ज्याझ्वलय् महासंघया प्रथम उपाध्यक्ष रुद्धबहादुर बराईलीइ थ्व ज्यायात छगु उदाहरणीय शुरुवातया रुपय् कायेमाः धयादिल।

न्यान्हूतक न्ह्याइगु तालिमय् ९ म्ह कर्मचारीतयसं ब्वति काःगु दु।