विदेशय् मछिंगु अवस्थाय् लानाच्वपिंन्त स्वदेश लितहइगु

विदेशय्  मछिंगु अवस्थाय् लानाच्वपिंन्त स्वदेश लितहइगु


जेठ १६- कोरोना नियन्त्रण तथा रोकथाम उच्चस्तरीय समन्वय समितिइ विदेशय् दुपिं नागरिकयात स्वदेश लितहयेगु  सम्बन्धी कार्ययोजना पारित याःगु दु ।

सिंहदरबारय्  शुक्रबाः च्वंगु  समिति बैठकं तेश्रो मुलुकय् समस्याय् लापिं नेपालीतयत स्वदेश लितहयेगु याना कार्ययोजना पारित याःगु खः। थीथी देशय् दुपिं नागरिकत, गुपिं स्वदेश लिहाँवयेत स्वयाच्वंगु दु, इमिगु विवरण परराष्ट्र मन्त्रालयं  १०न्हू दुने संकलन याना धलः तयार याइगु प्रधानमन्त्री ज्याकुया सचिव नारायणप्रसाद बिडारीइ जानकारी बियादिल। थ्वया न्हय मन्त्रिपिरिषद बैठकं भारत लगायत तेस्रो मुलुकय् लकडाउनया कारण अलपत्र जुपिं नागरिक लितहयेगु नीतिगत निर्णय यायेधुक्कुगु दु ।

आः उगु हे कार्ययोजना कथं सम्बन्धित गन्तव्य मुलुक व राजदूतावासलिसें समन्वय याना तत्काल गम्भीर समस्याय् लापिं २५,००० नागरिक न्हापांगु चरणय् स्वदेश हयेत तयारी जुगु खः। सरकारं न्हपांगु चरणय् विदेशय् वासः यायेत वंपिं, विदेशय् च्वनेमाला काजकिरिया यायेमखपिं, कार्यक्षेत्रं पितिना अलपत्र हालतय् दुपिं नागरिकयात प्राथमिकताय् तगु दु ।

अथेहे नेपाल भारतसीमापाखें नेपाली दुतहयेत उकिया व्यवस्थापन याकन यायेगु निर्णय बैठकं यागु दु । गुलिखे  श्रम गन्तव्य मुलुुकं नेपाली नागरिकयात थपिन्सं हे विमान चार्टर्ड याना लितछ्वयेगु प्रस्ताव न छ्वगु दु । तर नेपालं थःगु हे  देयया विमान कम्पनीतयत प्राथमिकताय् तयाः उडान याइगु व उकिपाखें हे स्वदेश हयेगु धकाः प्रवक्ता बिडारीइ जानकारी बियादिल ।

अथेहे  बैठकय्  लकडाउनया बारेय् न सहलह जुगु दु । प्रवक्ता बिडारीइ लकडाउनया बारेय् धासाः छुं न निर्णय मजुगु व लकडाउनयात कडा याना कार्यान्वयन यायेगु धयादिल ।