हरिसिद्धि टौखेल लँ पीच मंसिर २५ दुने पीच यायेगु सहमति

हरिसिद्धि टौखेल लँ पीच  मंसिर २५ दुने पीच यायेगु सहमति


मंसिर ७ - यलया हरिसिद्धि टाैखेल लँ ताःईतक ठेकेदारं पीच मयाःगु धासें लँ बन्द यानाः आन्दोलनय् कुहाँवपिं स्थानीय व सरोकार निकायदथुइ सहमति जूगु दु ।

हरिसिद्धिया लँ चायकेत सोमबाः सनिल अन थ्यम्ह डिभिजन सडक ज्याकुया प्रमुख दिपेन्द पाण्डे, ठेकेदार कम्पनी सिएम कन्ट्रक्सनया प्रतिनिधि विक्रान्त केसी, यल महानगरपालिका वडा ल्याः २९ या अध्यक्ष गणेशकुमार महर्जनं मंसिर २५ दुने पीच यायेगु लिखित सहमति यानादीगु खः ।

सहमतिकथं थाैं मंगलबाःनिसें ज्यामि अप्वयेकाः ज्या सुचारु जुइगु सिएम कन्ट्रक्सनया प्रतिनिधि विक्रान्त केसीइ धयादिल।

डिभिजन सडक ज्याकुया प्रमुख पाण्डें इलय् ज्या पूमवकुसाः ठेकेदार कम्पनीया ठेक्का रद्द यानाः हाकूगु  धलखँय् तयेत सिफारिस यायेगु धयादिल।

वडाध्यक्ष महर्जनं वइगु २५ गतेतक प्रतिबद्धताकथं ज्या मजूसाः हाकनं  स्थानीयं लँ बन्द यायेगु ख्याःचो ब्यूगु धयादिल।

२ किलोमिटर लँय् २५ ते दुने पीच यायेमाःगु।सहमति जूगु दु।