देग पुनः निर्माणया झ्वलय् ऐतिहासिक ल्वहँहिति लुत

देग पुनः निर्माणया झ्वलय् ऐतिहासिक ल्वहँहिति लुत


असार १२ -  धुलिखेल नगरपालिका वडा ल्याः ७ य् दुगु उमामहेश्वर व तेत्तीस कोटि द्यःया देग पुनः निर्माणया झ्वलय् ऐतिहासिक ल्वहँहिति लुगु दु।

पुलांगु बजारय् दुगु देग पुनः निर्माणया झ्वलय्  जमिन क्वय् ल्वहँहिति लुगु खः। 

ल्वहँहितिया थप उत्खनन व संरक्षणया लागि पुरातत्व विभागं प्रकृया सुरु याःगु दु। विभागया महानिर्देशक दामोदर न्यौपानें लुयावगु ल्वहँहितिया थप उत्खनन व संरक्षण यायेगु प्रतिबद्धता प्वकादिल।

ल्वहँहितिया उत्खनन व संरक्षणया लागि काभ्रेपलाञ्चोक पुरातत्व खोज उत्खनन तथन संरक्षण समितिया कजि श्रीकृष्ण धिमालं विभागयात जानकारी बिया निवेदन दर्ता यासेलिइ थप उत्खनन व संरक्षणबारे प्रकृया सुरु जुगु विभागं धागु दु।

धुलिखेल नगरपालिकां ल्वहँहितिया संरक्षण व उत्खननया पहल यायेगु धागु दु। नगरपलिकाया प्रमुख अशोक कुमार व्याञ्जुं विज्ञतलिसें सहलह याना उत्खनन व संरक्षण यायेगु धयादिल।