अन्तराष्ट्रिय उडान बैशाख १८ तक स्थगित

आन्तरिक उडानया बारेय् सहलह जुयाच्वन

अन्तराष्ट्रिय उडान बैशाख १८ तक स्थगित


चैत २५ - सरकारं अन्तराष्ट्रिय उडान व अवतरण थप बाछि स्थगित यायेगु निर्णय यागु दु। सिंहदरबारय् मंगलबाः च्वंगु  कोरोना नियन्त्रण तथा रोकथाम उच्चस्तरीय समन्वय समितिं वइगु बैशाख १८ अर्थात अप्रिल ३० तारिख तक अन्तराष्ट्रिय उडान स्थगित यायेगु निर्णय यागु खः । बैठकं आन्तरिक उडानया बारेय् धासाः सहलह जुयाच्वगु धागु दु । मेगु देशय् कोरोनाया संक्रमण कायम दुगु व  नेपाल न उच्च जोखिमय् दुगु धासें उडान थप बन्द यायेगु निर्णय जुगु प्रधानमन्त्री लिसें मन्त्रिपरिषद ज्याकुया सचिव नारायणप्रसाद बिडारीं धयादिल ।

वयकलं मेडिकल सामानत नेपाल सरकारं बिशेष परिस्थीतिइ नाला काइगु विधिया आधारय् न्याइगु व स्वास्थ्य मन्त्रालयया समन्वयलय् आवश्यक सामानया पहिचान याना नेपाली सेनामार्फत जि टु जी मार्फत न्यायेगु निर्णय जूगु कथं ज्या जुयाच्वगु धयादिल । वयकलं यक्व प्रभावित जुगु ठासय् र्यापिड टेष्ट सुरु जुइधुक्कुगु धयादिल ।

बैठकं लकडाउनया अवधिं १,१४,३१६ विपन्न परिवारयात राहत वितरण जुगु धागु दु।