बसन्तपुलिइ १०८ कन्यापूजा  

बसन्तपुलिइ १०८ कन्यापूजा  


मंसिर ७ - येँय्या बसन्तपुलिइ १०८ म्ह कन्या मिसा मस्तेत पूजा याःगु दु। महिला सशक्तिकरणया लागाय् ज्या यानाच्वंगु ईनर ह्वील क्लब अफ कीर्तिपुर, टोखा, महालक्ष्मी व ईनर ह्वील क्लब अफ कीर्तिपुर मिलेनियल्सं मकाः कथं शनिबाः कन्यापूजा याःगु खः ।

पूजाय् ब्वति कापिं मिसा मस्तेत दकलें न्हापां जीवित देवी कुमारी माजु, गणेश व भैरवं सिन्ह प्रसाद बियाविज्यागु खः । अथेहे पुजाय् ब्वति कापि मस्तेत अन वपिं मनूतयसं थथगु इच्छाकथं धिबाः, कापीकलम थज्याःगु हलंज्वलं ब्यूगु खः । 

वैदिक मान्यताय् आधारित कुमारीपूजा येँय्या जुजु जय प्रकाश मल्लया पालंनिसें सुरु जूगु विश्वास दु । मध्यकालीन नेपाःया अन्तिम मल्ल जुजुं म्हगसय् कुमारीइ दर्शन ब्यूगु खसेलिं मिस्ेत सम्मान यायेगु लागि कुमारी प्रथा सुरु यागु धकाः धाइ । नेवाः परम्पराय् कुमारी मस्तेगु पुजा यायेगु बलय् सुख–शान्ति व समृद्धि प्राप्त जुइगु धार्मिक विश्वास दु ।