कात्तीप्याखनय् थौं नृसिंह अवतार

कात्तीप्याखनय् थौं नृसिंह अवतार


मंसिर १ - यलय् न्ह्यानाच्वंगु कात्तीप्याखं थौं नृसिंह अवतार क्यनाः क्वचायेत्यगु दु । हन्चा बहनी ७ ता: ईलिपा कात्तीप्याखंया मू आकर्षणकथं कयात:गु नृसिंह अवतार क्यनेत्यंगु ख:।

थौंया प्याखनय् नारान्द्य:या अवतार नृसिंह हिरण्यकश्यपुयात स्या:गु पौराणिक बाखंयात न्ह्यब्वयइ । प्याखनय् नृसिंह जुया: राजोपाध्याय समुदायया कलाकारं म्हिता वयाच्वंगु दुसा दैत्यराज जुया: यलय् नुग:त्वा:या चित्रकार समुदायं म्हितिगु चलन दु।

म्हिग: बहनी बराह अवतार क्यंगु खः। म्हिगः नारान्द्यवं वराह अवतार कया: दैत्यराज हिरण्याक्षयात स्या:गु लू क्यंगु ख:।

नगुने १२ न्हू तक न्हिया न्हिथं थीथी पौराणिक विष्णु पुराणय् आधारित प्याखं क्यगु खसाः थगुने  कोरोना भाइरसया संक्रमणया जोखिमया कारण २ न्हू बराह अवतार र नृसिंह जक दर्शक मतसें क्यःगु खः। थुगुसिइ ८ न्हूतक क्यनेगु यानाः कात्ति प्याखं वंगु कार्तिक २४ गतेनिसें मंगलय् क्यनाच्वंगु खः।

नेपाल सम्वत् ७६१ दँय् जुजु सिद्धिनर्सिंह मल्लं न्ह्याकावंगु कात्तीप्याखं उबलेंनिसें आ:तक मद्दिक न्ह्यानावयाच्वंगु दु। मल्लकालय् २७ न्हूतक नं प्याखं क्यंगु इतिहासय्  न्हयथनातगु दु।

थुगुसिइ थुगु प्याखं संचालन जूगु ३८१ थ्यगु दु।