कात्ति प्याखंनय् १८ दँ क्वय् यापिं व ६० दँ च्वय् यापिं कलाकार मतइगु

कात्ति प्याखंनय् १८ दँ क्वय् यापिं व ६० दँ च्वय् यापिं कलाकार मतइगु


मंसिर १० - शुक्रबाः व शनिबाः क्यनिगु एतिहासिक कात्ति प्याखंनय् १८ दँ क्वय् यापिं व ६० दँ च्वय् यापिं कलाकारतयत संलग्न मयाकिगु जुगु दु। 

कोरोना भाइरसया महामारीया कारण निन्हू जक क्यनेत्यगु प्याखनय्  १८ दँ क्वय् यापिं व ६० दँ च्वय् यापिं कलाकारतयत संलग्न मयाकिगु निर्णय जुगु खः। 

१८ दँ क्वय् यापिं व ६० दँ च्वय् यापिंन्के  कोरोनाया जोखिम यक्व जुइगुलिइ थ्वबाहेक मेगु उमेर समूहया मनूतयत कलाकारया रूपय् ल्ययेगु धकाः कात्तिक नाच संरक्षण समितियाअध्यक्ष किरण चित्रकारं धयादिल। थगुने १२ न्हूतक क्यगु प्याखंनय् १५० म्हति कलाकार सहभागी जुगु खः। इपिं मध्ये ७० म्ह प्याखम्वः व मेपिं ८० म्ह  बाजं थाइपिं, ग्वाहालिमि व स्वयंसेवक जुगु चित्रकारं धयादिल। 

संक्रमणया कारणं मंसिर १२ व १३ गते बराह अवतार व नृसिहं अवतारया प्याखं जक क्यनिगु जुगु खः । थुगु प्याखं नेपाल सम्वत ७६१ (विसं १६९७०) निसें मदिक्क यल लाकुलिइ च्वंगु कात्ति दबलिइ क्यना वयाच्वंगु खः ।