दर्शक मतसें कात्ति प्याखं क्यनिगु, थौं बराह अवतार

दर्शक मतसें कात्ति प्याखं क्यनिगु, थौं बराह अवतार
फाइल किपाः


मंसिर १२ - कोरोना भाइरस महामारीया दथुइ स्वास्थ्य सुरक्षाया मापदण्ड नाला ३७९ दँ पुलांगु ऐतिहासिक कात्ति प्याखं थौं क्यनेत्यगु दु। थगुने नगुने १२ न्हू तक न्हिया न्हिथं थीथी पौराणिक विष्णु पुराणय् आधारित प्याखं क्यगु कात्ति प्याखं थुगुसिइ २ न्हूइ जक सिमित यायेत्यगु खः ।

थौ बराह अवतार क्यनिइ । हन्चा बहनी ८ ताई लिपा यल लाकुलिइ च्वंगु कात्ति डबलीइ बराह अवतारया प्याखं क्यनिगु कात्तिक नाच संरक्षण समितिका अध्यक्ष किरण चित्रकारं धयादिल । ३७९ दँ न्हय् निसें मदिक्क क्यनावयाच्वगुलिइ परम्परायात कायम यायेत थुगुसिइ कोरोनाया जोखिमया दथुइ थुगु प्याखं २ न्हू जुसाः नं क्यनेगु निर्णय जुगु चित्रकारया धापू दु । कोरोना सङक्रमण जोखिमयाा कारण प्याखंनय् १८ दँ क्यययापिं व ६० दँ च्वय् यापिं कलाकारत दुमथ्याकेगु नं वयकलं धयादिल ।

हन्चा बहनी प्याखं क्यनिगु यल लायकुयात सिल याना मजिमगाःपिं कलाकार जक च्वना नेपालमण्डल टेलिभिजन, नेपालमण्डल टेलिभिजनया अफिसियल फेसबुक पेज व यूट्यूब, कात्तिक नाच संरक्षण समितिपाखें संचालन यानाच्वंगु झीगु कार्तिक नाच फेसबुक पेजपाखें प्याखं क्यनेगु व्यवस्था याःगु दु।

कन्हय् बहनी कात्ति प्याखंया मुख्य आर्कषण नृसिहं अवतार क्यनिइ ।

यलया जुजु सिद्धिनरसिहं मल्लया पालंनिसें थुगु प्याखं मदिक्क प्रदर्शन जुयावयाच्वगु खः। मल्लकालय् २७ न्हूतक नं प्याखं क्यंगु इतिहासय्  न्हयथनातगु दु।